ميين أنا؟

اسمي عبدالله البداح,, ولي أربع دلعات ( عبود,أبو عابد, بدحة,بدبد)

الفتره الحاليه عمري 22 سنه,, طالب في كلية الطب جامعة الملك سعود

انا صراحة من أكثر الأشخاص اللي يهوجسوون ,, خطرت علي فكره ليش ماأستفييد من هواجيسي وأتشاركها معكم عشان كيذا فتحت هالمدونه وشي أكييد اني بستفييد منكم

أنا انسان بطبيعتي غامض … كتوم وهادئ…علاقاتي محدودة… ولا ابادر بالكلام مع الناس…صاحب خيال… عميق في التفكيرو شديد التركيز في اللي  افكر فيه .. ماأحب أحد يتدخل في أموري الخاصة  وأنا بعد ماأتدخل في أحد … وكثير اخلي فيه حدود مع علاقتي مع الناس الا القليل منهم واللي هم مرره احبهم وأحسهم هم يحبوني بعد وبنفس الوقت ماأحب العلاقات السطحيه ..قليل الكلام عن أسراري الشخصية … مره واضح مع نفسي وأعرف وش انا ابغى بالضبط .. في أغلب الأحياان اكون ألمح ولا اقول الحقائق بطريقه مباشره وفي احيان قليله اجرح بالحقيقه وتكون مره قويه

احس اني افهم الناس وافهم تعقيدات النفوس البشرية كويس وأقدر الاحظ الفروق الدقيقة بين كلام الناس وأفعالهم…وأحس اني دقيق بتقييم الناس  .. ماأحب اضايق أحداً ولا أتطاق مع أحد فيه ناس يعتبرون هذا ضعف لكن في الحقيقه هي اني ماأحب اضايق احد

امممممم اراقب الأوضاع من حولي بكل هدوء .. احيانا أكون هادي لكن مو دائما .. اتحمل أكثر من طاقتي كثير وعندي تحمل كبير للضغوط .. وعندي قدره كبيره اني احل مشاكلي بدون ماأحد يساعدني .. احس اني شخص بطل بالتخطيط وفاشل في التنفييذ

 

اممممم وبس هذا أنا